kronologia ttipi bat - instituzioak - Herrien eskubideak - europa soziala - europa desmilitarizatua - europa berdea - europa parekidea

Europa berdea

Ingurugiroaren babesaren alde denok ados egon arren, arazoak bere horretan darrai, eta zentsu honetan esan daiteke EBko batzordeak eta estatu buruek Göteborgeko gailurrean bioaniztasunaren suntsipenarekin bukatzeko 2010 urtea finkatu bazuten ere , helburu hori nekez lor daiteke baldin eta ez bada ekimen zehatzik proposatzen. Are gehiago, Europar Legebiltzarrak ez badu ekimen horietan parte hartze zuzena izaten.

Bestalde, gaur egun EBko instituzio ezberdinek ez dute hurrengo belaunaldientzako ingurugune garbi eta osasuntsuaren eskubidea bermatzen, eskubide hau oinarrizko eskubideen kartan agertzen ez delarik: Zergatik diogu hau?

Gure kritika

• - EB-k ez du ingurugiroari buruzko politika integrala zein zeharlerrotsua integratzen.
• - EB-k ez du energiaren ekoizpen eta hedapenerako belaunaldi protokoloa zehaztu eta ez du 1957ko Euratom ituna deseustatu.
• - EB-k ez du garapen jasangarriari buruzko itun bat proposatzen.
• - EBk ez du merkatu eta merkataritza politikaren murrizketa segurtatzen,haatik hauek ditu helburu.
• - EB-k ez du kontsumitzaileen eskubideen aldeko politika fermu bat bermatzen, eta ildo honetan, ez du elikagai osasuntsuak eta ondorioz ez transgenikoak edota manipulatuak segurtatzeko nekazal lehentasunik zehatzen.

Azkenik esan dezakegu EB-ak dituen interes ekonomiko erraldoiak direla medio, finkatu dituen garraio politikak, ingurugiroaren suntsidura, sozial injustizia eta ekonomi eraginkortasun gabezia probokatu ditu, behar bezalako kontrolik proposatzen ez dituelarik.

Gure Alternatiba

• - Europa Berriak Ingurugiroari buruzko politika integrala eta tranbertsala izan behar du.
• - Energi ekoizpena eta hedapenerako belaunaldi protokoloa zehaztu eta 1957ko Euratom ituna deuseztatu beharko du.
• - Europa Berriak Garapen jasangarriari buruzko ituna proposatu behar du.
• - Europa Berriak Merkatu eta merkataritza politikaren murrizketa segurtatu behar ditu. Kontsumitzaileen eskubideen defentsa fermu bat egin behar du eta ondorioz elikagai osasuntsuak , ez transgenikoak edota ez manipulatuak segurtatzeko nekazal lehentasunik zehaztu behar ditu. Nazioarte mailan inguru giroaren defentsarako dauden- Kyotoko protokoloa adibidez, eta izan daitekeen itunekin bat eginez eta behar neurriak hartuz helburuak eta edukinak betetzeko.